ஜூலை 11
இன்று உன் பிறந்த நாள்.
முன்புபோல் இப்போது
அழகான வாழ்த்து அட்டைகள் இல்லை
பரிசுகள் கூட இல்லை.
ஆனாலும் நீ எதிர்பார்த்திருக்கமாட்டாய்
உன் தம்பியின்
இந்த வாழ்த்து செய்தியை!
நிச்சயமாய்
உதட்டோரம் சிறு புன்னகையும்
மனத்தோரம் என் ஞாபகமும்
வந்து செல்லும்.
உனக்கு ஞாபகமிருக்கிறதா...?
என் பிறந்த நாட்களில்
நீ மட்டும் இரண்டு
வாழ்த்து அட்டைகள் கொடுப்பாய்
பிறரை விட உனக்குத்தான்
பாசம் அதிகம்
என்று எனக்கு சொல்ல....
மீதி கதைகளை
நேரில் பேசிக்கொள்ளலாம்....
மீண்டுமொருமுறை சொல்லிக்கொள்கிறேன்
என் அன்பு அக்காவிற்கு
இனிய பிறந்த நாள் நல்வாழ்த்துக்கள்.
No comments:
Post a Comment